香港 7大 比人吹大左既食店，其實真係可以唔洗去試

1)金華冰室

招牌菜：菠蘿油

個包以前係真波，軟熟。

而家係假波，好硬。

聽聞之前整得出色既麵包師傅已退休。

-------------------------------------------------


       

 

2）北角雞蛋仔

招牌菜：雞蛋殼

我只去過北角分店，

佢每次都淨係俾左餅雞蛋仔殼我，

個餡得四分之一個窿滿，

蛋香亦欠奉。

我中意入面飽滿煙韌多d！

而家真係無乜邊檔雞蛋仔係好食，

本身幫襯開尖咀豐記，

雖然水準不穩，但較合我口味。

------------------------------------------------


        

 

3）添好運點心

招牌菜：雪山叉燒包

開分店後，

點心已唔係即叫即整，

水準也大不如前。

好多時碟包只係微暖，

而且焗得唔夠香，味道亦偏咸。

其他點心水準亦只算係好過稻香少少。

-------------------------------------------


        

 

4)維記

招牌菜：豬潤麵、咖央西多

個人覺得西多ok,

用煎既方法去整，

唔會炸到起曬油焦，

感覺上食落唔會油膩同熱氣。

但咖央椰味唔夠清新。

潤麵較遜色，

豬潤咬落無「起沙」。

若無法觀看影片，請→點此←

------------------------------------------


        

 

5）清真牛肉館（九龍城）

招牌菜係：牛肉餅

汁太咸，食唔到有牛味。

--------------------------------


       

6)華嫂冰室(元朗)

招牌菜：蕃茄蛋菠蘿油、蕃茄豬扒麵

神級地雷！

 

即使位於有市區人懷疑會見到牛既元朗坑頭村，

那管openeyes網寫住位於「坑尾公廁對面」,

仍能吸引大家遠道而來，

而且日日爆場，

客人要等一個鐘先可入座。

呢個地雷咁勁，

全因有多位食家參與製造。

包括蔡瀾、余文樂、鄧達志。

加上各大傳媒及打手推波坐瀾，

想唔紅都難！

蕃茄蛋菠蘿油太多料，

好「漏」。

酸+甜+咸混埋一齊，

味道怪怪地，唔夾。

 

另外蕃茄麵個湯太「傑」，

酸過龍。


        

---------------------------------------------


       

 

7）民聲冰室（大坑）

招牌菜：巨峰肉餅

巨峰已由郭書瑤變為陳自瑤，

size漸漸變小。

肉打得鬆化過龍，

成「pat」泥咁

重味精，偏咸，無鮮味。